МУҲАММАДЖОНОВ Мирзаали Валиевич

МУҲАММАДЖОНОВ Мирзаали Валиевич (1914.1.12 — Бағдод тумани, Конизар қишлоғи — 2000.18.3) — агроном олим, давлат арбоби, Ўзбекистон ФА акад. (1952), Ўзбекистонда хизмат кўрсатган фан арбоби (1964), қ. х. фанлари д-ри (1962), проф. (1964). Самарқанддаги Ўзбекистон қишлоқ хўжалиги ин-тини тугатган (1936). Бухоро вилояти Шофиркон МТСида бош агроном (1936-37), СоюзНИХИда аспирант, бўлим мудири (1937—41), ЎзССР Давлат контроли халқ комиссарининг биринчи ўринбосари (1941 — 45), Деҳқончилик халқ комиссари, вазири, ЎзССР с-злар вазири (1946 — 50), Ўзбекистон ФА Қишлоқ хўжалиги ин-ти (Ўсимликлар экспериментал биологияси ин-ти) директори (1948 — 50), Ўзбекистон ФА Президиумининг бош илмий котиби (1952), Ўзбекистон Қишлоқ хўжалиги вазири (1953—57), УзССР Министрлар Совети раиси ўринбосари (1957 — 60), Узбекистон ФА Усимликлар экспериментал биологияси ин-тида бўлим мудири (1960-62), ин-т директори (1963 — 66). Афғонистон (1967-70) ва Ҳиндистон (1972—76)да СССР элчихонасида маслаҳатчи бўлиб ишлади. Бутуниттифоқ Усимликшунослик инти Урта Осиё тажриба ст-яси директори (1970 — 72), ВАСХНИЛ Урта Осиё бўлими Президиуми раиси ўринбосари (1977 — 78). 1979 й. дан Узбекистон ФА Усимликлар экспериментал биологияси ин-тида лаб. мудири, 1981 й. дан ЮНЕСКОнинг «Инсон ва биосфера» Узбекистон миллий қўмитаси раиси. Республика Агросаноат комплекси олий мактабида кафедра мудири (1987-92).

Муҳаммаджоновнинг илмий ишлари ғўза, маккажўхори, беда ва қ. х. экинлари биологияси, агротехникаси, алмашлаб экиш, суғориладиган тупроклар унумдорлигини ошириш, суғорма интенсив деҳқончилик, шунингдек, қ. х. иқтисодиёти масалаларига бағишланган. «Шуҳрат» медали билан мукофотланган (1994).

Ас: Агротехника хлопчатника, Т., 1953; Севообороты и углубление пахотного слоя почвы в районах хлопководства, Т., 1962; Новая система земледелия по коренному повышению плодородия орошаемых почв, Т., 1978.

Ад.: Академик Мирзаали Валиевич Мухаммаджоновнинг ҳаёт йўли, Т., 1995.