МУНОЖОТ (араб. — махфий сухбат, илтижо) — исломдаги фарз намозлардан ташқари, ихтиёрий равишда ўқиладиган намозлар. Ҳар қандай диндорнинг ихтиёрий худога илтижо ва ибодат қилиши ҳам Муножот ҳисобланади. Бундай намоз ва ибодатлар кўпинча кечалари адо этилган. Муножот фақат намоз ичида бўлиши шарт эмас. Муножотни Аллоҳга илтижо қилиб, дуо кўринишида ҳамма вақт ҳам қилиш мумкин.