МУСАБОЕВ Исҳоқ Қурбонович (1910.22.10, Фарғона вилоятининг Новкат қишлоғи) — инфекционист олим, Ўзбекистон ФА акад. (1966), Ўзбекистон (1955) ва Қорақалпоғистонда (1965) хизмат кўрсатган фан ва техника арбоби. Ўзбекистонда хизмат кўрсатган врач (1944). 2-жаҳон уруши қатнашчиси. СамТИ ни тугатган (1935). Шу ин-т юқумли касалликлар кафедрасида ассисент (1938 — 41), доцент (1944—49), мудир ва шаҳар инфекцион касаликлар клиник касалхонаси бош врачи (1949—51). Тошкент врачлар малакасини ошириш ин-ти инфекцион касалликлар кафедраси мудири (1951—88), илмий маслаҳатчи (1988 й. дан). Айни вақтда Ўзбекистон эпидемиология, микробиология ва инфекцион касалликлар и. т институтида илмий ишлар бўйича директор ўринбосари (1962—70), мазкур ин-тнинг асосий ташкилотчиларидан. Илмий ишлари Марказий Осиёда кенг Tapкалган меъда-ичак системасида учрайдиган инфекцион касалликларнинг патогенези, клиник хусусиятлари, даволаш ва олдини олиш муаммоларига бағишланган. Россия тиббиёт ФА мухбир аъзоси (1961), Беруний номидаги Ўзбекистон Республикаси Давлат мукофоти лауреати (1990).
Ас: Профилактика, клиника, диагностика и лечение дифтерии, Т., 1984; Ўзбекистон Республикасида вабо касаллигига карши ўтказилган тадбирлар (ҳамкорликда), 1984; Дифференциальная диагностика гепатитов А, В, С, Д, Е. Т., 1999; Искусство, методы врачевания и дифференциальная диагностика, Т., 1999; Гепатит С (этиология, эпидемиология, патогенез, клиника, лечение, профилактика), Т., 2000.
Ад.: Бахтиёр Омон, Алижон Зоҳидий, Умр дафтари, Т., 2000.