МУШЕЛЬ Георгий Александрович

МУШЕЛЬ Георгий Александрович (1909.29.7, Тамбов – 1989.27.12, Тошкент) — композитор, пианиночи, педагог. Ўзбекистонда хизмат кўрсатган санъат арбоби (1944). Москва консер-ваториясини тугатгач (1936), Тошкент консерваториясида ўқитувчи, проф. (1976). Ўз ижодида Европа композиторлик (мас, М. Равель, С. Прокофьев) мусиқаси анъаналарини давом эттириб, ўзбек мусиқа меросига хос усул ва оҳангларга, шакл ва услубларга ижодий таянган. Ўзбекистонда биринчилар катори симфония (1938), балет, камер мусиқа жанрлари ривожига асос солган. «Фархрд ва Ширин» операси (В. Успенский билан ҳамкорликда, 1957), «Муқимий» (1953), «Равшан ва Зулхумор» (Т. Жалилов б-н, 1957) каби мусиқали драмалар, «Раққоса» (1952), «Вахт гули» (1959), «Кашмир афсонаси» (1961), «Самарқанд ҳақида афсона» (1971) балетлари, 3 симфония, фортепиано ва оркестр учун 6 концерт, скрипка ва оркестр учун концерт, орган асарлари, камер мусиқа (жумладан, «24 прелюдия ва фуга», 1975), романс, қўшиқ, кинофильмларга мусиқалар муаллифи. Мушель рассом сифатида турли жанрларда 100 дан ортиқ тасвирий асар яратган. Тошкентда Мушель номидаги ёш мусиқачилар танлови ўтказилади (1994 й. дан).

Ад.: Пеккер Я., Георгий Мушель, Мушель, 1966.