МУТЬА (араб. — вақтинча фойдаланиладиган нарса) — маълум маблағ эвазига қилинадиган муваққат никоҳ. М. асосида шиалик шариати қози тасдиқлаган расмий шартнома асосида эркакларга вақтинча хотин олишга ижозат беради. Мутьанинг мухлати 1 кундан 99 й. гача белгиланиши мумкин. Мутьа никоҳли хотин ва ундан туғилган болалар қонуний хотин ва ундан туғилган болалардан ҳуқуқий жиҳатдан чекланганроқ бўлган. Қиз болага Мутьа никоҳидан ўтиш тақикланган. Мутьа никох. и шиалик тарқалган хорижий мамлакатларда ҳозир ҳам амалда, лекин у кўпинча яширин қилинади. Аҳл ассунна валжамоанинг тўрттала мазҳабида ҳам Мутьа ҳаром дейилган.