НАЖД

НАЖД — Саудия Арабистонидаги вилоят. 5—6-а. ўрталарида арабларнинг кинда қабиласи қўл остида бўлган. 7 — 9-а. ларда Араб халифалиги, кейинчалик Арабистон я. о. да мавжуд бўлган давлатлар таркибида. 18-а. да ваҳҳобийлар ҳаракати маркази бўлган. Улар бу ерда Нажд амирлигини тузганлар (18-а. охири —20а. боши, танаффуслар б-н). Биринчи жаҳон урушидан сўнг Нажд амирлиги Шим. ва Марказий Арабистонни бирлаштириш курашига рахнамолик қилган, натижада Ҳижоз, Нажд ва бирлашган вилоятлар давлати (1932 й. дан Саудия Арабистони) пайдо бўлган.