НАЖМИДДИНОВ Шокир (1903.15.1 – Тошкент — 1990.19.10) — актёр, суфлёр. Ўзбекистон халқ артиста (1970). Ижодини 1918 й. ҳаваскор актёр сифатида бошлаган. 1919—22, 1924—27, 1934—57 й. лар Ҳамза театрида актёр, 1957—75 й. лар суфлёр. Бухоро ва Тошкент маданий оқартув муассасаларида ишлаган. Нажмиддинов эпизодик роллар устаси бўлиб, унинг ижоди кучли психологик драматизми билан ажралиб туради. Сулаймон, Асқар (У. Ҳожибеков, «Аршин мол олон»), Каримбахши, Арслон (Фитрат, «Ҳинд ихтилочилари», «Арслон»), Ортиқбой Ғ(. Зафарий, «Ҳалима»), Ишчи (У. Исмоилов, «Рустам»), Родриго (У. Шекспир, «Ҳамлет»), Юсуфжон (К. Яшин, «Холисхон»), Домла (Ойбек, «Қутлуғ қон») ва б. унинг саҳнада яратган образларидан намуналаридир.