НАЙМАН АДИРЛАРИ — Фарғона вилоятидаги адирлар. Фаргона водийсида, Каркидон сув омборининг шим. ғарби, Қораадир тоғларининг жан.-ғарбида жойлашган. Бал. 725—750 м, юқори плиоцен-қуйи тўртламчи даврнинг алевролит, конгломерат, гил, қумтошларидан тузилган. Адирлар ўртача парчаланган. Жан. дан бошланувчи сой ўзанлари уларни бир неча жойда кесиб ўтган. Ювилган тўқ бўз тупрокларда эфемерлар, эфемероидлар, шувоқ кенг тарқалган. Яй-лов чорвачилигида фойдаланилади.