НАЙТИШЛИЛАР (Tubulidentata) – йўлдошли сут эмизувчилар туркуми. Уз. 1—1,5 м, думи 45—60 см, вазни 80 кг дан ортиқ. Тумшуғининг учи найга ўхшаш чўзиқ. Олдинги оёқлари 4, кейинги оёқлари 5 бармоқли бўлиб, туёқсимон тирнокдари бор. Тирноклари ёрдамида термитлар инини бузади ёки ер ковлайди. Тили узун, чувалчангсимон. Тишлари ўзаро қўшилиб ўсган дентин найчалардан иборат (номи шундан олинган); тиш эмали ва илдизи бўлмайди; тиши доимо ўсиб туради. Курак ва йиртқич тишлари ривожланмаган. Найтишлиларга фақат 1 тур — Африка найтишлиси (Orycteropus afer) киради. Аф-риканинг Саҳрои Кабирдан жануброқда жойлашган барча ҳудудларида тарқалган. Тунда фаол ҳаёт кечиради. Уз. 3 м гача ин қазиб, 1 йилда 1 бола туғади. Асосан, термитлар ва чумолилар 6-н озикланади. Териси ва гўшти учун овланади. Кўпчилик ҳудудларда сони кес-кин камайиб бормоқда.