НАЗАРОВ Тўйчи (1896, Фарғона тумани Каптархона кишлоғи — 1974.18.8, Фарғона тумани Қалача қишлоғи) — 2-жаҳон уруши қатнашчиси. 1-Украина фронти, 4-танк армияси, 17-механизациялашган бригада, 2-мотоўқчи батальони ўқчиси. 1945 й. 24 янв. да Польшанинг Кёбен ш. р-нида Одер дарёсини кечиб ўтиш ва ўнг соҳилни эгаллашдаги жасорати учун 1945 й. 13 апр. да Қаҳрамон унвонига сазовор бўлган. Фронтдан қайтиб келгач, қ. х. ишларида ишлаган. Водил қишлоғида ҳайкал ўрнатилган.