НАЗАРОВ Қурбон (1909.1.1 — Қўқон — 1989.10.9) — актёр, реж. Ўзбекистонда хизмат кўрсатган санъат арбоби (1964). Самарқанд қишлоқ хўжалиги техникумида (1924—26), Москва Бадиий академик театри студиясида таълим олган (1930—32). Ижодий фаолиятини Самарқанд «Кўк кўйлак» театрида актёр сифатида бошлаган (1926). 1932— 73 й. лар Қўқон театрида актёр, реж. И. ижодига ўткир характерли образлар яқин бўлиб, саҳнада Солиҳбой (Ҳамза, «Бой ила хизматчи»), Бобохон (С. Абдулла; Т. Жалилов, «Тоҳир ва Зухра»), Хусрав (Хуршид; В. Успенский, «Фарҳод ва Ширин»), Ҳусайн Бойқаро (Уйғун, И. Султон, «Алишер Навоий») каби бир қанча ёрқин роллар ўйнаган. Реж. сифатида «Маликаи Турандот» (К. Гоцци), «Гулсара» (К. Яшин, М. Муҳамедов; Т. Жалилов), «Аршин мол олон» (У. Ҳожибеков), «Навбаҳор», «Парвона» (Уйғун), «Олтин девор» (Э. Воҳидов) ва б. асарларни саҳналаштирган. «Тоҳир ва Зуҳра», «Фурқат», «Улуғбек юлдузи» ва б. фильмларда суратга тушган.