НАЗИРОВ Набижон Назирович (1931. 9.6, Ўш — 1987.6.7, Тошкент) — физиолог, радиобиолог олим, Ўзбекистонда хизмат кўрсатган фан арбоби (1981). ВАСХНИЛ мухбир аъзоси (1970), проф. (1969). ТощДУ ни тугатган (1953). Ўзбекистон ФА Ўсимликлар генетикаси ва физиологияси ин-тида илмий ходим (1956—60). 1961 й. дан Ўзбекистон ФА Ўсимликлар экспериментал биологияси ин-тининг ўсимликлар радиаци-он биол. лаб. мудири. Назиров биринчилардан бўлиб ионловчи радиациянинг ғўзага таъсирини тадқиқ қилди. У хўжалик белгилари жиҳатидан қимматли бўлган 20 дан ортиқ ўрта толали ва ингичка толали ғўзанинг янги линиялари ва навлари (тезпишар ва серҳосил АН-Каттақўрғон, вилтга чидамли АН-401, барги табиий равишда тўкиладиган АН-402 ва б.) ни яратди.
Ас: Действие радиации на физиологические и биохимические процессы у хлопчатника, Т., 1969; Радиочувствительность хлопчатника и генетический эффект ионизирующей радиации, Т., 1970; Наука и хлопок, Т., 1977.