НЕФРОЛОГИЯ (юн. nephros — буйрак ва logos — фан) — тиббиётнинг бир бўлими; буйракнинг тузилиши ва фаолияти, касалликлари: буйракнинг туғма касалликлари (буйрак гипоплазияси, буйрак аплазияси ва б.), ирсий касалликлари (тубулопатиялар, оилавий ирсий нефрит ва ҳ. к.), орттирилган касалликлари (гломерулонефрит, пиелонефрит, нефролитиаз ва б.) нинг юзага келиш сабаб ва механизмларини, уларнинг олдини олиш ва даволаш чора-тадбирларини ўрганади.
Нефрология фан сифатида 20-а. нинг 50—60-й. ларида ажралиб чиқди. Унинг фан сифатида ривожланишида буйрак ультра тузилишини урганищдаги, буйрак фаолиятини экспериментал текширишлардаги ютуқлар, экспериментал ва клиник иммунологиядаги янгиликларнинг аҳамияти катта. Нефрологияга гломеруло-нефритни ўрганган инглиз Р. Брайт асос солган (1927).
Охирги 30 й. ичида кўпгина буйрак касалликларининг табиати аниқланди, янги иммунтикловчи дорилар ишлаб чиқарилди, ирсий ва туғма касалликлар аникданди, сунъий буйрак ва буйрак трансплантацияси қўлланила бошланди. Нефрология масалаларини клиницистлар, морфолог, физиолог, уролог ва б. мутахассислар ҳамкорликда ўрганади. Нефрология урология ва трансплантацион хирургия билан чамбарчас боғланган.
Ҳоз. Ўзбекистонда барча тиббиёт интларида Нефрология фан сифатида ўқитилади ва шу ин-тлар таркибида Нефрология бўлимлари фаолият кўрсатади. Тошкентда ва б. йирик шаҳарларда Нефрология марказлари бор.