НУРМОНОВ

НУРМОНОВ Иброҳим (1936.29.12, Самарқанд вилояти) — актёр, реж. Ўзбекистонда хизмат кўрсатган санъат арбоби (1991). Тошкент давлат театр ва рассомлик санъати ин-тининг актёрлик бўлимини (1965) ва реж. лик бўлимини (1982) тугатган. 1965 й. дан Каттақўргон театрида ишлайди (1982—85 й. лар театр директори ва бадиий раҳбари, 2000 й. дан бош реж.). Комилов (И. Султон, «Имон»), Соррини (М. Лермонтов, «Испанлар»), Ниёз (И. Султон, «Номаълум киши»), Навоий (И. Махсумов, «Навоий Астрободда»), Ҳуснидцин (Я. Худойқулов, «Суд») каби образлар яратди. У ўз қаҳрамонларини романтик ҳис-туйғулар ва фалсафий мазмун билан чуқур очишга интилади. Нурмонов саҳналаштирган «Олтин девор» (Э. Во-ҳидов), «Меҳрибонлар» (Ж. Асомидди-нов), «Тобутдан товуш» (А. Қаҳҳор), «Зебуннисо» (Уйғун), «Макр ва муҳаб-бат» (Ф. Шиллер), «Ўзинг учун ўл етим» (Ў. Умарбеков), «Армон» (Я. Худой-қулов) каби спектаклларда ижрочилар ансамблининг яхлитлиги таъминланган.

Loading...