ОДИЛОВ Аҳмад Одилович

ОДИЛОВ Аҳмад Одилович (1928.21.7, Тошкент) — созанда (чанг), педагог. Ўзбекистонда хизмат кўрсатган санъат арбоби (1977). Тошкент консерваториясини тугатган (1952). Ўзбек давлат филармонияси халқ чолғу асбоблари оркестри созандаси (1943—57), Тошкент мусиқа билим юртида ўқитувчи (1944 — 82) ва директор (1957—60). Ўзбекистон давлат консерваториясида ўқитувчи (1948 й. дан), проф. (1977), чангчилар ансамбли ташкилотчиси ва раҳбари (1971 й. дан). Ижро услуби юқори бадиий-техник маҳоратига асосланган. Кенг қамровли концерт репертуарида ўзбек халқ куйлари («Гулбаҳор», «Танавор», «Шароф 1—2», «Жазоир», «Курд» ва б.) ва, айниқса, ўзбек ва чет эл композиторлари асарлари кенг ўрин олган. Чанг учун дарсликлар, қўлланмалар муаллифи. Осиё ва Европа мамлакатларида гастролда бўлган.

Ад.: Лутфуллаев А., Аҳмаджон Одилов, Т., 1998.

Loading...