ОФФЕНБАХ

ОФФЕНБАХ (Offenbach) Жак (асл исми ва фамилияси Якоб Эберши) — (1819.20.6, Кёльн – 1880.4.10, Париж) — француз композитори, француз опереттасининг асосчиси. 1849 й. дан «Комедия Франсез» театрида дирижёр ва композитор. 1855—61 й. ларда ўзи асос солган «Буфф-Пари-зьен», 1872—76 й. лар «Дела Гэте» театрларини бошқарган. Оффенбах 100 га яқин оперетта ёзиб, мазкур жанр тарихини бошлаб берган. Улардан «Орфей дўзахда», «Гузал Елена», «Кўк соқол», «Париж ҳаёти», «Перикола», шунингдек, «Гофман эртаклари» номли романтик операси (1880) кўп мамлакатларда саҳналаштирилган.

Loading...