ОЛИМПИЯ — Элида (Пелопоннеснинг шим.-ғарбий қисми)даги юнонлар шахри; Зевс саждагоҳи (муқаддас Альтис ўрмонзори). Олимпия атро-фида Олимпиада ўйинлари ўтказиш учун қурилган ин-шоотлар (стадион ва б.) жойлашган. Олимпияда Фидий устахонаси жойлашган. Олимпия маъмурий мажмуаси мил. ав. 7 — 4-а. ларда шаклланган. Мил. 426 й. Рим императори Феодосии II буйруғига кўра ўт қўйилган, бундан аввалроқ у Зевсга сажда қилишни ва Олимпиада ўйинларини мажусийлик белгиси сифатида ман қилган. Қазишмалар натижасида Пе-лопс саждагоҳи, ибодатхоналар харо-балари, жумладан, Гера, Зевс, Худолар онаси, 12 хазина, 130 дан зиёд ҳайкаллар, 13 мингга яқин жез буюмлар, 10 мингга яқин битиклар ва б. топилган Олимпия Жаҳон мероси рўйхатига киритилган.