ОРТИКОН (юн. orthos — тўғри ва ekion — тасвир) — ёруғлик сигналларини электр импульсларига айлантириб бе-радиган узатувчи телевизион трубка. Америка муҳандислари А. Роз ва X. Ямс таклиф қилишган (1939). Узатилаётган тасвир Ортикон нишонига, яъни — объект томондан ярим шаффоф электр ўтказувчи қатлам (сигнал пластинка) б-н, электрон прожектор томондан майда доначали фотоактив қатлам (мозаик фотокатод) б-н қопланган юпқа шиша пластинкага проекцияланади. Ҳосил бўлган ёруғлик сигнали пластинка занжирида видеосигналга айланади. Ортикон ёри-тилганлик етарли бўлмаган шароитда тасвирларни телевидение орқали уза-тишда ишлатилади. Анча такомиллашган Ортикон суперортикон деб аталади.