ЎЗБЕКИСТОН МИЛЛИЙ СИМФОНИК ОРКЕСТРИ

ЎЗБЕКИСТОН МИЛЛИЙ СИМФОНИК ОРКЕСТРИ — республикада етакчи симфоник оркестр. 1938 йил Ўзбек давлат филармонияси таркибида Ўзбекистон давлат симфоник оркестри номи билан ташкил топган (биринчи бош дирижёри — Г. Шпитальний). 1982 йилдан Ўзбекистонда хизмат кўрсатган жамоа. 1986 йилдан ҳоз. номда. Ўз фаолияти давомида оркестр чет эл мумтоз (Гайдн, Моцарт, Бетховен, Брамс, Малер, Лист, Глинка, Чайковский, Равель, Дебюсси ва бошқалар) ва 20-аср композиторлари (Р. Штраус, Бриттен, Прокофьев, Стравинский, Онеггер, Шчедрин, Шостакович, Шёнберг, Шнитке ва бошқалар)нинг деярли барча симфоник асарларини ижро этган. Жамоа Ўзбекистон композиторлари (М. Ашрафий, Ик. Акбаров, М. Бурҳонов, Б. Зейдман, М. Тожиев, М. Маҳмудов, Р. Вильданов, Т. Қурбонов, С. Жалил, М. Бафоев ва бошқалар) асарларининг биринчи ижрочиси ва тарғиботчисидир. Оркестрга А Козловскш, Н. Олимов, З. Ҳақназаровлар раҳбарлик қилган. 1998 йилдан бадиий раҳбари — К. Жалилов, бош дирижёри — А. Эргашев. Оркестр билан машҳур дирижёрлардан К. Кондрашин, Ю. Силантьев, АМеликПашаев, А. Кац, Ф. Мансуров (Россия), К. Мазур (Германия), Ж. Боудри (Канада), С. Акчил (Туркия), Г. Калайяни (Италия) ва бошқалар, созандалардан И. Стерн, Ж. Фергюссон (АҚШ), М. Аз (Франция), Ж. Лилл (Англия), Турини (Италия), Д. Ойстрах, Л. Коган, М. Ростропович, Э. Гилельс, Р. Керер, Г. Кремер, В. Спиваков, Т. Николаева ва бошқалар, хонандалардан И. Сумак (Перу), Б. Минжилкиев (Қирғизистон), М. Рейзен (Россия) ва бошқалар чиқишлар қилганлар. Оркестр республикада ўтказиладиган симфоник мусиқаЎрта Осиё ва Қозоғистон», «Ўрта Осиё ва Кавказорти мамлакатлари»), замонавий мусиқаДавр садолари», «Илҳом — XX») фестиваллари, халқаро мусиқа анжуманларида (Тошкент, 1975; Олмаота, 1975; Самарқанд, 1978, 1983 ва бошқалар) фаол қатнашган; Россия, Украина, Озарбайжон, Туркия, Болтиқбўйи ва Ўрта Осиё мамлакатлари, Таиланд, Сингапурда гастролда бўлган. Ижролари ўнлаб грампластинка ва ўзбек радиоси фонотекасига ёзилган.

Loading...