ЎЗГАРМАС ТОК ГЕНЕРАТОРИ — ўзгармас токни генерациялайдиган (ҳосил қиладиган) электр машина. Асосан, статор, якорь (ротор) ва чулғамлар (сим ўрамлари)дан иборат. Айланувчи қисми (якори)нинг чулғамида индукцияланувчи ўзгарувчан токни ўзгармас токка ўзгартиради. Ўзгармас ток генераторининг уйғотиш тизимига боғлиқ бўлади. Ўз-ўзидан уйғотишли, мустақил уйғотишли ва аралаш уйғотишли Ўзгармас ток генератори лари мавжуд. Ўзгармас ток генератори бир неча Вт дан бир неча минг кВт гача қувватга, бир неча В дан бир неча минг В гача кучланишга мўлжаллаб ишлаб чиқарилади. Ўзгармас ток генератори прокат станларида, аэродинамик трубаларда, экскаваторлар ва бошқаларда ишлатилади (қ. Генератор).