ЎЗГАРМАС ТОК МАШИНАСИ — механик энергияни ўзгармас ток электр энергиясига (генератор) ёки ўзгармас ток электр энергиясини механик энергияга (двигатель) айлантириб берадиган электр машина. Ҳам генератор, ҳам двигатель сифатида ишлаши мумкин. Генераторнинг иши электромагнит индукция ҳодисасига, двигателнинг иши токли ўтказгичнинг магнит майдони билан ўзаро таъсирлашишига асосланган; унда электромагнит айлантирувчи момент вужудга келади. Ўзгармас ток машинасининг актив қисмларига магнитли ўзак, статор ва ротор (якорь) чулғамлари ҳамда коллектор киради (яна қ. Генератор, Электр двигатель).