ПАКСАС

ПАКСАС Роландас (1956.10.6, Тельшяй ш.) — Литва давлат арбоби. Вильнюс қурилиш муҳандислари ин-ти (1979), ҳоз. Санкт-Петербург Фуқаро авиацияси академияси (1984)ни тугатган. Дастлаб йўриқчи-учувчи, кейинчалик Вильнюс ш. даги «Дариюс ва Гирюнас» учувчилар клуби директори, Кўнгилли миллий мудофаа хизмати бошлиғи бўлиб ишлаган. 1992 — 97 й. ларда «Рестако» қурилиш компанияси президенти. 1997 й. дан Вильнюс ш. кенгаши аъзоси, 1999 й. шаҳар мэри. Шу йили Литва бош вазири, Литва Республикаси Президенти маслаҳатчиси, Президентнинг махсус топшириқлар бўйича фавқулодда элчиси, 2000 й. дан яна Вильнюс ш. мэри ва Литва сейми депутата. 2000 й. нояб. — 2001 й. июнда Литва бош вазири. 2002 й. мартдан янги тузилган Литва либерал-демократлар партияси раиси, 2003 й. 5 янв. дан Литва Республикаси Президенти.

Loading...