ПАРЧИНЛАШ — лист металл ҳамда прокат материаллардан ясаладиган конструкция элементларидан парчин михлар ёрдамида ажралмас бирикма ҳосил қилиш. Парчин мих — тана ва каллакдан иборат маҳкамлаш детали. Парчинлаш қуйидаги амалларни ўз ичига олади: парчин мих ўрнини очиш (пармалаш ёки ўйиш); парчин михнинг яширин каллагига уя очиш (зенкерлаш ёки штамплаш); парчин михни тешикка ўрнатиб, иккинчи томонидан каллак ҳосил қилиш (пресслаш ёки уриш). Парчинлаш болғалар, пресслар ва автоматлар ёрдамида бажарилади. Парчинлаш болғаси — зарб берувчи пневматик машина. Парчин михда каллак ҳосил қилиш учун ишлатилади.
Парчинлаш машинаси парчинлаш пресслари ваавтоматларигабўлинади. Парчинлаш прессларида парчин михнинг иккинчи каллаги ҳосил қилинади. Парчин мих танаси икки штамп орасига ўрнатилади. Машина пуансони (зарб бериш детали) бир марта юрганда штамп бир ёки бир нечта парчин михни парчинлайди. Парчинлаш автоматларида барча операциялар; буюмлар сиртини текислаш, уларни си-қиш, тешик пармалаш ва зенковкалаш, парчин мих ўрнатиш, Парчинлаш, буюмни сил-житиш ва б. бажарилади; бунда меха-низмлар автоматик тарзда бошқарилади. Парчинлашда қўлланиладиган парчин михларнинг ярим доиравий, яширин, цилиндрик, конус каллакли хиллари бор. Уларнинг ўлчамлари давлат стандартларида белгилаб қўйилади. Стандарт парчин михлардан ташқари махсус: найчали, портловчи ва б. парчин михлар қўлланилади. Пўлат, мис, латунь, алюминий ва б. материалдан тайёрланади. Парчин мих материали бириктириладиган деталлар материали билан бир хил олинади.
Парчинлаш кемасозлик, вагонсозлик, самолётсозлик ва б. соҳаларда қўлланилади. Сандиқсозликца сандиқнинг юз томо-нига гулли нақш чиқариш, тунука билан ишлаш ҳам Парчинлаш дейилади.