ПАРҲЕЗ, диета — миқдори, кимёвий таркиби, калориялилиги (қуввати) ва пишириб тайёрланиши жиҳатидан махсус танланган овқат рациони, соғлом кишилар ҳамда беморларга мўлжалланган овқатланиш режими. Парҳезда организмнинг озиқ-овқатларга бўлган физиологик эҳтиёжи қондирилади.
Беморларга Парҳез буюрилганда моддалар алмашинуви ёки бирор аъзо функцияси бузилган бўлса, унинг фаолиятини тиклаш кўзда тутилади. Бунинг учун баъзи озиқ-овқат маҳсулотлари махсус усуллар б-н кайта ишланади. Яра касаллиги, колит, ёғ босиш ва б. касалликларда Парҳез кенг қўлланади. Касалликнинг даври, боскичи ва фазасига қараб, Парҳезнинг бир неча варианти тавсия этилади. Касалхонада даволанаётган беморга врач кам овқат ейиладиган кунлар (мас, 1—2 кун) белгилайди. Бу кунларда беморни атайлаб қисман оч қўйиш учун алоҳида рациондан фойдаланилади. Ўз билгича Парҳез танлаш ёмон оқибатларга сабаб бўлиши мумкин (яна қ. Парҳез билан даволаш).