ПАРКЕНТ, Паракати, Пушти Паркати — ўртаги маҳаллий хўраки узум нави. Халқ селекцияси (Тошкент вилояти Паркент тумани)да яра-тилган. Шарқий экологик-географик навлар гуруҳига мансуб. Барглари уртача ва йирик катталикда, кенг панжасимон ёки юмалоқ шаклда, четлари қиррали, баъзан қиррасиз. Гули икки жинсли. Узум боши йирик, цилиндрсимон, зичлиги ўртача. Ғужуми йирик, думалоқ-овал шаклда, тўқ-қизил ёки тўқ пушти ранг. Эти сершира, пўстиюпқа, ғубор билан қопланган. Куртаги ^ кўкарганидан кейин Тошкент вилоятида фаол ҳарорат йиғин-диси 3000—3200°да 135—140 кунда, сент. ўрталарида яхши пишиб етилади. Тупи кучли усади, новдалари яхши пишади. Ҳосилдорлиги 180 — 220 ц/га (ишкомларда 250 ц/гача). Совуққа чидамсизлиги, кул (оидиум) касаллигига мойиллиги билан ажралиб туради. Янгилигида истеъмол қилинади, мусаллас, десерт ва шампан винолари тайёрланади. Қисман майиз солинади. Тошкент вилоятида кўп экилади.