ПАРТЕНОКАРПИЯ (лот. parlenos — бокиралик, қизлик ва karpos — мева) — ўсимликларда гулнинг уруғланмасдан мева тугиши. Чангланмасдан мева ҳосил бўлиши вегетатив (автоном) Партенокарпия, уруғчи тумшуқчасига бошқа ўсимлик гули чангини таъсир эттириб мева ҳосил қилиш стимулятив Партенокарпия дейилади.
Mac, нок уруғчисига олма гул чангини, баклажон уруғчисига помидор гули чангини таъсир эттириб, сунъий стимулятив Партенокарпия пайдо қилиш мумкин. Партенокарпия натижасида ҳосил бўлган мева уруғсиз ёки уруғи муртаксиз бўлади. Партенокарпия узум, олма, нок, помидор, мандарин ва б. кўпчилик ўсимликларда аникланган. Сунъий стимулятив Партенокарпия механик, кимёвий, ҳарорат таъсирида ҳосил қилинади. Партенокарпик мева йирик ва ширин бўлганидан катга хўжалик аҳамиятига эга.