ПАСТЕРЛАШ — суюклик ва озиқовқат маҳсулотларидаги микроорганизмларни турлича давомийликда бир марталик 100° дан паст (одатда, 60—70°) гача қиздириб йўқотиш усули. Л. Пастер таклиф этган. Юқори т-рада сифати ўзгармайдиган сут, қаймоқ, мевалар шарбати, желе ва б. озиқ-овқат маҳсулотлари Пастерлаш қилинади. Пастерлаш натижасида спорасиз бактериялар, моғор замбуруғлари ўлади, лекин Пастерлашдан ке-йин ҳам баъзи споралар сақланиб ривожланиши мумкин. Уларни йўқотиш учун сутдан сариёғ ва сут консервалари и. ч. да лаҳзалик (т-ра 85— 90°да), сир ва б. соф сут маҳсулотлари и. ч. да қисқа муддатли (20—25 мин. давомида 72—76°да), бевосита истеъмол учун сут и. ч. да узоқ муддатли (30 мин. давомида 62—65°да) Пастерлаш усуллари қўлланади. Пастерлаш махсус аппарат — пасте-ризаторларда бажарилади. Мевалар, сабзавотлар ёки улардан тайёрланган маҳсулотлар зич ёпилган банка ёки шишаларга солинган ҳолда 85—95° да, узум шарбати 73—85° да пастерланади. Натижада маҳсулотлардаги моғор зам-буруғлари ва ачитқи (дрожжи)лар йўқ қилинади.