ПАХТАОБОД

ПАХТАОБОДАндижон вилояти Пахтаобод туманидаги шаҳар (1975 й. гача Қўқон қишлоқ шаҳарчаси). Туман маркази. Вилоят маркази (Андижон ш.)дан 44 км, яқин т. й. станцияси — Тентаксой (1 км). Аҳолиси 23,2 минг киши (2003).

Пахтаободда туман ҳокимияти биноси, давлат, маъмурий, қурилиш ташкилотлари, автокорхона, нон маҳсулотлари и. ч. корхонаси, 5 умумий таълим мактаби, касб-ҳунар коллежи, мусиқа, спорт мактаблари, стадион, кутубхона, клублар, маданият ва истирохат боғи, музей, касалхона, поликлиника, дорихо-на, савдо ва маиший хизмат кўрсатиш шохобчалари бор.

Пахтаобод — Андижон йўналишида автобуслар катнайди.