ПЕНСИЛЬВАНИЯ — АҚШнинг шим.-шарқий қисмидаги штат. Шарқда Делавэр дарёси б-н, шим.-ғарбда Эри кўли билан чегараланган. Майд. 117,4 минг км2. Аҳолиси 12,3 млн. киши (2002), 69% шаҳарларда яшайди. Маъмурий маркази — Харрисберг ш. ; йи-рик саноат шаҳарлари: Филадельфия ва Питсбург. П. — АҚШнинг дастлабки 13 штатидан бири; бу ерга европаликлар 17-а. дан кўчиб кела бошлаган.
Ер юзасининг катта қисмини Аппалачи тоғлари эгаллаган, унинг штат ҳудудидаги энг баланд жойи 979 м. Жан.шарқида Атлантика бўйи пасттекислиги бор. Иқлими сернам, мўъта-дил иқлим. Йиллик ёғин 1000 мм. Дарёларида кема қатнайди. Пенсильвания — АҚШнинг иқтисодий жиҳатдан энг тараққий этган штатларидан. Қора металлургия, кончилик саноатлари ривожланган. Пенсильвания чўян ва пўлат эритишда, кокс и. ч. да мамлакатда етакчи ўринда. Тошкўмир, антрацит, озроқ микдорда нефть, табиий газ, темир рудаси қазиб чиқарилади. Металлургия, металлсозлик, машинасозлик (айниқса, кон ва йўл қуриш машиналари, кемасозлик, ре-акторсозлик, электротехника, радиоэлектроника), цемент, кимё, нефтни қайта ишлаш, ойна, тўқимачилик, тикувчилик корхоналари бор.
Қ. х. шаҳар аҳолисини озиқ-овқат маҳсулотлари билан таъминлашга ихтисослашган. Чорвачилик ва паррандачилик қ. х товар мақсулотининг 3/4 қисмини беради. Боғдорчилик ва сабзавотчилик ривожланган.