ПЕРГОЛЕЗИ, Перголезе (тахаллуси, асл фамилияси Драги) Жованни Батиста (1710.4.1, Ези, Анкона — 1736.17.3, Неаполь яқинидаги Поццу-оли) — итальян композитори, Неаполитан опера мактабининг йирик вакили. Перголези —10 опера, концерт, оратория, триосонаталар, диний мусика (жумладан, машҳур «Stabat mater», 1735) ва б. муаллифи. Буфф опера асосчиси. Унинг «Чўри-бека» (1733) асари мазкур жанрнинг дастлабки мумтоз наму-наси бўлиб, бошқа мамлакатларда халқчил ва демократик операнинг ривожланишида муҳим роль ўйнади.