ПЕРРЕН (Perrin) Жан Батист (1870.30.9, Лилль – 1942.17.4, Нью-Йорк) — француз физиги ва физиккимёгари, Франция ФА аъзоси (1923 й. дан, 1938 й. дан президенти). 1940 й. дан АҚШ да . Катод нурларини ман-фий зарядланган зарралар оқимидан иборатлигини тажрибаларда асослаган (1895), Броун ҳаракатинн текширган (1908—13), бошқа усуллар билан топилган қийматига мое келувчи Авогадро сонини аниклаган, молекуланинг мавжудлигини исботлаган. Перрен совун кўпигининг тузилишини ўрганиб, ҳар қандай кўпик бир қанча бимолекуляр қатламлардан иборат эканлигини аниқлаган. Перрен рентген нурларнинг табиатини, газларнинг ўтказувчанлигини, флуоресценция, радиоактивликни текширган. Нобель мукофоти лауреати (1926).