ПИРОЛЮЗИТ (юн. руг — олов ва luo — юваман) , полианит — оддий оксидлар кичик синфига мансуб минерал. Кимёвий таркиби — МпО2, таркибида Мп 55-63%; Ва, Na, К ва б., маълум микдорда сув бўлади. Тетраго-нал сингонияда кристалланади; крис-таллари структураси рутил типли. Кўпинча яширин кристалл тупроқсимон кукун массалар ҳосил килади; марганец, кисман темир гидроокислари ва б. аралашган бўлади. Ранги кулранг, қора; металлсимон ялтироқ. Қаттиқлиги 2—6 (полианит 6—6,5), зичлиги 4700—5100 кг/м3. П. денгиз ва кўл ҳавзаларининг қирғоққа яқин қисмида кислород кира оладиган шароитларда чўкинди қатлами ҳосил қилади. Марганец конларининг оксидланиш зоналарида ҳам учрайди. Пиролюзит марганец рудаларининг асосий минерали. Соф Пиролюзит қуруқ гальваник элементларда, шиша (тиниқлантириш учун) ва керамика тайёрлашда, кимё, тиббиёт, лок-бўёқ ва чарм саноатида қўлланилади.