ҚИШКИ ОЛИМПИАДА

ҚИШКИ ОЛИМПИАДА, қишки олимпиада ўйинлари — спортнинг қишки турлари бўйича жаҳон миқёсида ўтказилалиган туркум мусо-бақалар. 1924 й. дан Халқаро олимпиада қўмитаси томонидан ҳар 4 йилда ўтказилади (1940, 1944 й. ларда ўтказилмаган). 1908 ва 1920 й. ларда муз устида фигурали учиш, 1920 й. да шайбали хоккей Олимпиада ўиинлари дасту-рига киритилган. Қишки олимпиадада биатлон. бобслей. кёрлинг, конькида учиш (500 м дан 10000 м гача пойга. муз устида фигурали учиш), чана спорти. чан/и спорти, шайбали хоккей (қ. Хоккей) бўйича мусобақалар уюштирилади.

Қишки олимпиада ўтказилган йиллар ва жойлар: I Олимпиада ўйинлари — 1924, Шамони (Франция); II ва V — 1928 ва 1948, Санкт-Мориц (Швейцария); III ва XIII – 1932 ва 1980, Лейк-Плэсид (АҚШ); IV – 1936, Гармиш-Партен-кирхен (Германия); VI — 1952, Осло (Норвегия); VII — 1956, Кортина д’Ампеццо (Италия); VIII — 1960, Скво-Вэлли (АҚШ); IX ва XII – 1964 ва 1976, Инсбрук (Австрия); X — 1968, Гренобль (Франция); XI — 1972, Саппоро (Япония); XIV – 1984, Сараево (Югославия); XV — 1988, Калгари (Канада); XVI — 1992, Альбервиль (Франция); XVII — 1994, Лиллехаммер (Норвегия); XVIII – 1998, Нагано (Япония); XIX — 2002, Солт-Лейк-Сити (АҚШ).

Ўзбекистон спортчилари Қишки олимпиада ларда 1994 й. дан иштирок этиб келади. Лина Черязова, Сергей Бренер (фристайл), Татьяна Малинина (муз устида фигурали учиш), Комил ва Эльмира Урумбоевлар (чанғи спорти) каби спортчилар Қишки олимпиада ларда муваффақиятли қатнашган.