ҚИЗИЛ ВА ОҚ ГУЛЛАР УРУШИ (1455—85) — Англия тахти учун плантагенетлар сулоласининг 2 йўналиши: Ланкастерлар (Генрих VI; гербида — қизил гул) ва йорклар (Эдуард IV, Ричард III; герби — оқ гул) ўртасидаги ўзаро уруш. Ланкастерларни иқтисодий қолоқ Шим. ва Уэльс баронлари, йоркларни иқтисодий тараққий қилган Жанубий Шарқнинг йирик зодагонлари, дворянлар ҳамда шаҳарлик бойлар қўллабқувватлашган.
Урушда иккала сулола асосий вакиллари ўлимидан кейин тахтни тюдорлар сулоласи эгаллаган. Генрих VII Тюдор қирол бўлиб тюдорлар сулоласига асос солган. У йорклар вориси Эдуард IV нинг қизига уйланиб, гербида қизил ва оқ гулларни бирлаштирган.