ҚОНТАЛАШ — юмшоқ тўқималарга қон қуйилиши. Шикастлангандан бир неча соат (баъзан бир неча мин.) кейин гавда тўқималарининг юзасига қон қуйилиши билан кечади. Қонталаш олдинига тўқ қизил рангда бўлади; қуйилган қондаги гемоглобиннинг парчаланишидан Қонталашнинг ранги аста-секин ўзгариб, қизилдан кўк рангга, сўнгра яшил, охи-рига бориб сариқ рангга ўтади ва кейинчалик Қонталаш бутунлай сўрилиб кетади. Қонталашнинг рангига қараб лат ейиш қачон содир бўлганини аниқлаш мумкин. Оғриқ қолдирувчи воситалар, Қонталашнинг сўрилиб кетиши учун бошида совуқ, кейинчалик иссиқ қилинади.
Чуқур тўқималарга қон қуйилганда шикастлангандан бир неча кун кейин Қонталаш юзага келиши мумкин. Баъзан Қонталаш ҳаёт учун хавфли ҳисобланади. Мас, бош шикастланиб, кўз қовоқларида Қонталаш («кўзойнак» кўринишида) пайдо бўлиши калла суяги синганлигидан дало-лат беради (қ. Калла суяги). Бунда дар-ҳол врачга мурожаат қилиш керак.
Қон ёки қон томирлари касалликларида, енгил лат еганда ҳам Қонталаш пайдо бўлади.