ҚЎЙБОШ-476 — кечпишар қовун нави. Ўзбекистон сабзавот, полиз экинлари ва картошкачилик и. т. ин-тида чиқарилган П(. Н. Дудко, Е. И. Дружинина). Шакли тухумсимон ва чўзинчоқ тухумсимон (уз. 25—30 см, оғирлиги 3 — 9 кг). Мевасининг сирти бироз бўгинли, тўри тўлиқ, банд томони қуюқ, уч томонида эса сийрак, гохида тўри фақат мевасининг ўртасигача давом этади. Мевасининг ранги банд олдида кўкиш-жигарранг, уч томони сарғишжигарранг. Сиртида гуллари йўқ. Пўсти қаттиқ, эти ўртача қалинликда, тўла пишмайди, ранги оқ, пўсти яқинида кўкиш, тиғиз, ширин. Уруғдонлари уруғхонанинг яр-мини эгаллайди. Ўруғи ўртача катталикда, кенг овалсимон, тўқсариқ. таркибида 7,6-10,4% қанд, 10,2-13,3% қуруқ модда бор. Уруғи униб чиққандан сўнг биринчи ҳосили 85—95 кунда пишади. Ҳосилдорлиги 250—300 ц/ га. Ташишга, сақлашга яроқли (90—100 кун), сўлиш касаллигига чидами ўрта-ча. 1939 й. дан Хоразм вилояти ва Қорақалпоғистон Республикасида экиш учун давлат реестрига киритилган.