ҚУТЛУҒ ТЕМУР (14-а) – Олтин Ўрдаутш нуфузли амирларидан. Ўзбекхоининг холаваччаси ва энг буюк амири, Ўзбекхоннинг Хоразмдаги волийси (1321 й. дан). Қутлуғ Темурнинг ўғли Ҳорун-бек Ўзбекхоннинг қизига уйланган. Қутлуғ Темурнинг завжаси Тўрабека-хотун (Тўрабекахоним) бўлган. Ибн Халдуннинг ёзишича, Қутлуғ Темур 1321 й. Қрим вилояти ноиблигидан олиниб, Хоразмга юборилган. 1328 й. яна Қримга ноиб этиб тайинланган. 1338 й. бошларида Хоразмда бўлган сайёҳ Ибн Баттута Урганчда Қутлуғ Темур саройида қабул қилинган. Қ. Т. Қрим ва Хоразмда кўплаб қудуқ, сардоба, мадраса, масжид, минора (қ. Қутлуғ Темур минораси), саройлар бунёд этган.