РАБИ

РАБИ (Rabi) Изидор Айзек (1898.29.7, Риманув, ҳоз. Польша — 1988) — америкалик физик, АҚШ Миллий ФА аъзоси (1940). Корнелл ун-тини тугатган (1919). 1929 й. дан Колумбия ун-тида ишлаган (1937 й. дар проф.). Массачусетс технология ин-ти радиация лаб. директорининг ёрдамчиси (1940—45). Илмий ишлари магнетизм, ядро физикаси, квант механикаси ва б. га оид. Раби атом ядросининг магнит моментини радиочастотали резонанс йўли билан ўлчашнинг янги усулини ишлаб чиқиб (Раби шкаласи) протон ва дейтроннинг магнит моментини аниқлаган (1933 — 39). Нобель мукофоти лауреати (1944).

Loading...