РАДИОТЕЛЕЎЛЧАШ, радиотелеметрия — турли физик, техник ва б. катталикларни узокдан туриб ўлчаш. Ўлчанадиган катталик электр сигналларга айлантирилиб, назорат пунктига радио орқали узатилади. Радиотелеўлчаш тизимида ўлчанадиган катталик датчик ёрдамида радиоузаткичнинг юқори частотали тебранишларини модуляцияловчи (қ. Модуляция) электр сигналларига айланади. Бир вақтда бир нечта катталикларни ўлчаш учун кўп каналли радиоалокадан фойдаланилади. Қабул қилиш ст-ясида сигналлар фотоплёнка, магнит лента ва б. га ёзиб олиниши мумкин (қ. Радиотелемеханика).