РАДУН Иосиф Вениаминович (1911.31.7, Мелитополь ш. — 1988) реж., педагог. Ўзбекистонда хизмат кўрсатган санъат арбоби (1965). Москва театр санъати ин-тини тугатган (1939). Тошкент ёш томошабинлар театрида бош реж. (1947—48), айни вақтда Рус академик драма театрида (1945—46) реж. 1945 й. дан Тошкент театр ва рассомлик санъати ин-тида кафедра мудири, доцент (1948 й. дан). Ўзбекистон театрларида кўпгина спектакллар [«Ваня тоға» (А. Чехов), «Шоҳ Эдип» (Софокл), «Ревизор» (Н. Гоголь), «Отелло» (У. Шекспир), «Қўзибулоқ қишлоғи» (Лопе де Вега), «Уч бахрдир» (Т. Собиров), «Кимга тўй, кимга аза» (Н. Сафаров), «Зарафшон қизи» (Д. Файзий) ва б. ] саҳналаштириб, ўзбек театри санъати ривожига муносиб ҳисса қўшди.