РАСУЛОВ

РАСУЛОВ Ботир (1948.30.4, Тошкент вилояти Янгийул ш.) — дирижёр, созанда (ғижжак). Ўзбекистонда хизмат курсатган санъат арбоби (1987). Тошкент консерваториясини ғижжак ижрочилиги (1971) ҳамда операсимфоник дирижёрлиги (1979) ихтисосликлари буйича тугатган. Ўзбек давлат филармониясида созанда (1971—74), Маданият ин-тида ўқитувчи (1974 — 79), Тошкент оперетта театрида дирижёр, бош дирижёр ва бадиий раҳбар (1979 й. дан), айни пайтда Ўзбекистон давлат консерваториясида ўқитувчи (1979 й. дан), доцент (2001 й. дан), Ўзтелерадиокомпаниянинг Дони Зокиров номидаги халқ чолғулари оркестрининг бош дирижёри ва бадиий раҳбари (2000—2002). Дирижёр репертуаридан Л. Бетховен, Г. Берлиоз, П. Чайковский, И. Брамс, М. Тожиев, М. Маҳмудов ва б. композиторлар асарлари ўрин олган. Расулов ўзбек композиторлари (С. Юдаков, Ғ. Қодиров, Ф. Назаров ва б.) ҳамда жаҳон мумтоз (И. Брамс, П. Сарасате, Н. Паганини) асарларини ғижжакда ижро этиб граммпластинкага ёздирган.

Loading...