РЕДУКЦИЯ (тилшуносликда) — товуш чўзиклигининг қисқариши ёки талаффузнинг кучсизланишига боғлиқ ҳолда унинг артикуляцион ва акустик сифатларининг ўзгариши. Асосан, унлилар Редукцияга учрайди, бироқ ундошлар ёки мураккаброқ товуш қўшилмалари (бўғинлар, сўзлар) Редукцияси ҳам учрайди. Mac, бўйин сўзига эгалик қўшимчаси қўшилганда, иккинчи бўғиндаги и Р. га учрайди, шу сабабли айтилмайди ва ёзилмайди ёки неча сўроқ олмоши охирида а бир қатор шеваларда қисқа (иъ) тарзида талаффуз этилади: неччъ каби. Миқдорий Редукция (товушнинг урғусизлиги сабабли унинг чўзиклилигининг қисқариши) васифатий Редукция (чўзикликнинг қисқариши натижасида артикуляция сифатининг ўзгариши) ўзаро фарқланади. Редукция ўзбек ва рус тилларида кучли, ёрқин намоён бўлади, француз тилида эса мавжуд эмас.