РИСҚИЕВ Руфат Асадович

РИСҚИЕВ Руфат Асадович (1949.2.10, Тошкент) — боксчи, хизмат кўрсатган спортчи (1974), 75 кг вазн тоифасида жахрн чемпиони (1974, Гавана), Олимпиада кумуш медали совриндори (1976, Монреал). Австрия, Болгария, Венгрия, Польша, Чехословакия, Югославияда ўтказилган халқаро турнирлар голиби (196976), Куба очиқ чемпионатининг 2 карра чемпиони (1973, 1974), Ўзбекистон жисмоний тарбия ин-тини тугатган (1977). «Динамо» спорт жамиятида йўриқчи (1967 — 77), Тошкент политехника ин-тида кафедра мудири (1977— 79), Республика олимпия ўринбосарлари билим юртида мураббий (1979—84). Рисқиев боксчи ҳаёти ва фаолиятига бағишланган «Рингга чақирилади» (1979) бадиий фильмида бош ролни ижро этган. 1999 й. дан Тошкентда Рисқиев соврини учун ўспиринлар ўртасида бокс мусобақалари ўтказилади. «Элюрт ҳурмати» ордени билан мукофотланган (1999).

Ад.: Остонов С, «Йўлбарс»нинг олишуви, Т., 1980; Муҳамедов С, Ринг қироли, Т., 1992; Шарипова Ф., Матонат, Т., 2002.

Loading...