РТВЕЛАДЗЕ Эдвард Васильевич

РТВЕЛАДЗЕ Эдвард Васильевич (1942.14.5, Боржоми ш., Грузия) — археологтарихчи олим. Ўзбекистон ФА акад. (1995), тарих фанлари д-ри (1989), проф. (1992). ТошДУни тугатган (1967). 1967 й. дан Ўзбекистон санъатшунослик и. т. институтида илмий ходим. Илмий фаолияти Ўрта Осиёнинг қад. ва ўрта асрлар тарихи, археологияси, нумизматикаси, эпиграфикаси, санъати, маданияти тарихини ўрганишга бағишланган. Ўрта Осиё, Кавказ, Кипр, Япония ва Францияда олиб борилган 80 дан ортиқ илмий археологик экспедициялар иштирокчиси. Кўпгина археологик ёдгорликларни очган ва текширган. Ртвеладзе раҳбарлигида Тохаристон экспедицияси томонидан КампиртепалА олиб борилган қазишлар натижасида археологик амалиётда 1марта Кушонлар даврига оид қад. шаҳар харобаси тўлиқ очилганлиги муҳим аҳамиятга эга бўлди. Ртвеладзе раҳбарлиги остида шаҳарлар ва таниқли давлат арбоблари юбилейларига бағишланган коллектив монографиялар, шу жумладан, «Амир Темур жаҳон тарихида», «Хиваминг гумбазли шаҳар», «Шаҳрисабз», «Термиз», «Жалолиддин Мангуберди» ва б. тайёрланган. Беруний номидаги Ўзбекистон Давлат мукофоти лауреата (1985). «Буюк хизматлари учун» (2001), «Меҳнат шухрати» (2003) орденлари ва Грузиянинг «Гирсебис» («Рицарлик шарафи») (2001) ордени билан мукофотланган.

Ас: Средневековые памятники Сурхандарьи (в соавторстве), Т., 1983; В стране Золотого огня (в соавторстве), Т., 1985; Памятники минувших веков (в соавторстве), Т., 1986; Древние монеты Средней Азии, Т., 1987; Северная Бактрия — Тохаристан. Очерки истории и культуры (в соавторстве), Т., 1990; Великий шелковый путь, Т., 1999; Қадимги Ўзбекистон цивилизацияси; давлатчилик ва ҳуқуқтарихидан лавҳалар (ҳамкорликда), Т., 2001; Древние и раннесредневековые монеты историкокультурных областей Узбекистана, Т., 2003.

Loading...