САЛОМ (Salam) Абдус (1926.29.1, Жханг) — покистонлик назариётчифизик, Лондон Қироллик жамияти аъзоси (1959 й. дан). Кембриж ун-тини тугатган (1951). 1951—54 й. ларда Лоҳурдаги коллеж проф., 1957 й. дан Лондон ун-ти проф. 1964 й. дан Триест (Италия) даги Халқаро назарий физика маркази директори. Асосий илмий ишлари майдонлар назарияси, гравитация ва элементар зарраларга оид. Электромагнит ва кучсиз ўзаро таъсирларнинг умумий назариясини ишлаб чиққан. Нобель мукофоти лауреати (1979; Ш. Глэшоу ва А. Вайнберг б-н ҳамкорликда).