САЛТАНАТТЕПА (СЕТАЛАНТЕПА) ГАЗ КОНИ — Бухоро вилоятидаги кон. Когон т. й. станциясидан 35—40 км жан. шаркда. 1976 й. дан фойдаланилади. Кон рельефи кичик гумбазсимон сойликдан иборат, атрофи Бухоро свитаси оҳактошлари билан ўралган.
Структураси шим. шарқ йўналишида чўзилган асимметрик брахиантиклиналдан иборат. Унинг жан. шарқий қаноти ётиқ (30—40°), дизъюнктив дислокацияга учраган. Апт ярусининг 12маҳсулдор горизонти бўйича Салтанаттепа брахиантиклинали ўлчами 6×3 км, бал. 90 м. Чуқурлик ортган сари қанотлар қиялиги 40—45° га етади ва юра ётқизикдарининг гумбази бўр ётқизиқлариникига нисбатан 250—300 м га силжиган. Биринчи қудуқ 1953 й. қазилган ва юра ётқизикларида саноат миқёсидаги газ борлиги аникланган. Конда жами 7 та қудуқ қазилган. Бурғилаш чоғида палеозой, юра, бўр ва палеоген жинслари очилган.
Бўр ётқизиқларида 2 та 11, 12, юрада ҳам 2 та 16, 17маҳсулдор горизонтлар ажратилган. 11горизонтнинг қалинлиги 10—20 м, ғоваклилиги 14 — 20%. Уюм ўлчами 2×0,8 км, бал. 15 м бўлиб, 507— 600 м чуқурликда очилган. Бошланғич қатлам босими 5,74 МПа, дебити 218 минг м3/сутка, катламдаги т-раси 36°.
12горизонтнинг қалинлиги 28 м, ғоваклилиги 12,2%. Уюм ўлчами 5,5×2,7 км, бал. 75—80 м, 450 м чуқурликда очилган. Бошланғич қатлам босими 8,38 МПа, т-раси 40°.
16горизонтнинг қалинлиги 7—10 м, ғоваклилиги 15%. Уюм ўлчами 4×1,5 км, бал. 30 м, 1020 м чуқурликда очилган. Уюм типи қатламли, гумбазли. Газ дебити 123,5 минг м3/сутка. Қатлам босими 10,9 МПа ва т-раси 48°. 17горизонт, асосан, оҳакли қумтошдан таркиб топган, калинлиги 6,3 м, ғоваклилиги 14,17%. Уюм типи 16 горизонтники билан бирхил. Уюмўлчами 3×1 м, бал. 2,5 м, газ дебити 101,6 минг м3/сутка, қатлам босими 10,5 МПа, т-раси 50°. Уюм режими сув босимли.
Очилган ҳамма горизонтлардаги газнинг физиккимёвий таркиби бирбирига яқин: метан 88,2%, карбонат ангидрид гази 0,34%, оғир углеводлар 4,6910%, водород сульфид 0,027%, зичлиги 0,641. Конденсат микдори 0,77 см3/м3. Кондан ҳоз. вақтда фойдаланилмоқда.