САН-ПАУЛУ — Бразилиянинг жан. шарқий қисмидаги штат. Майд. 248,8 минг км2. Аҳолиси 36,6 млн. киши (2000), 9U% дан ортиғи шаҳарликлар. Маъмурий маркази — СанПаулу ш. Бразилия ясситоғлигининг жан. шарқий қисмида жойлашган. Иклими тропик, ўртача ойлик тралар ички худудларда 14—16° дан 22°гача, соҳил қисмида 18—26°. Йиллик ёғин 1200—2500 мм. Сернам тропик ўрмонлар бор. С. П. — мамлакатнинг иқтисодий жиҳатдан энг ривожланган штатларидан. Мамлакат саноат маҳсулотининг 1/2 қисми шу штатда ишлаб чиқарилади. Саноатининг етакчи тармоқлари: автомобилсозлик, электротехника, қоғозцеллюлоза, пўлат прокати. Озиқовқат, тўқимачилик, кимё, фармацевтика саноатлари ҳам ривожланган. Қурилиш материаллари ишлаб чиқарилади. Фойдали қазилмалардан слюда, каолин, оҳактош қазиб олинади. Қ. х. да кофе, пахта, шакарқамиш, цитрус мевалар, шоли, донли экинлар экилади. Гўштсут чорвачилиги, паррандачилик ривожланган. Балиқ овланади.