САНЪАТ ИНСТИТУТИ, Маннон Уйғур номидаги Тошкент давлат санъат институти — драма, мусиқали драма ва қўғирчоқ театрлари учун актёр, реж. лар ҳамда кино учун киноактёр, оператор, кино реж. лар, театр ва киношунослар ва б. юқори малакали санъат мутахассисларини тайёрловчи олий ўқув юрти. 1945 й. Тошкент ш. да Ўрта Осиё давлат театр санъати ин-ти сифатида ташкил этилган. 1948 й. рус драматурги А. Н. Островский (1823—86) номи берилган. 1991 й. дан ўзбек театр арбоби Маннон Уйғур номида. 1954 й. ин-т ҳузурида рассомлик фти очилиб, Театр ва рассомлик санъати ин-тига айлантирилган. 1987 й. дан Интда мутахассис тайёрлаш доираси янада кенгайиб, махсус кинотелевидение реж. лиги, операторлик, санъат журналистикаси ихтисосликлари буйича кадрлар тайёрлаш йулга қўйилди. 1997 й. дан рассомлик санъати фти мустақил ин-т мақомида ажралиб чикди (қ. Миллий рассомлик ва дизайн институти) ва ин-т ҳозирги номи б-н атала бошлади. Ин-тда 5 та фт (театр санъати; кино, телевидение санъати ва радио; санъатшунослик ва қўғирчоқ театри санъати; сиртдан ўқиш; малака ошириш) мавжуд; магистратура, аспирантура, илмий кенгаш фаолият курсатади. 2002/03 уқув йили 765 та талаба таълим олди; 100 дан зиёд педагог, шу жумладан, 9’фан д-ри, 10 профессор, 42 фан номзоди ва доцент ишлайди (2004). Инт фаолияти турли йилларда ишлаган Маннон Уйғур, Я. Бобожонов, С. Табибуллаев, Л. Хужаева, Қ. Хўжаев, А. Гинзбург, Н. Тимофеева, Ю. Иоффе, И. Рубинштейн, И. Акбаров, Санъат институти Векслер каби етакчи олимпедагоглар номи билан боғлиқ. Ин-тда таълим олган реж. лардан Т. Хужаев, О. Чернова, Ш. Аббосов, Б. Йўлдошев, театршунослардан М. Раҳмонов, М. Крдиров, Т. Турсунов, Т. Баяндиев. Т. Исломов, С. Турсунбоев, М. Тулахужаева, актёрлардан 3. Мухаммаджонов, Р. Ҳамроев, Я. Абдуллаева, Т. Азизов, Б. Зокиров, Н. Ансатбоев, Р. Иброҳимова, Ё. Аҳмедов, Э. Комилов, П. Саидкосимов, Г. Жамилова ва б. республика санъати ривожига муносиб ҳисса қўшди.
Тошпўлат Турсунов.