СЕГРЕГАЦИЯ (лот. segregacio — ажратиш) — бирон ирқ ёки этник гуруҳни чегараланган ҳудудга мажбурлаб ёки ихтиёрий йўл билан кўчириш ёҳуд алоҳида мактаблар, транспорт воситалари, хизмат кўрсатиш корхоналари ташкил этиш ёки бўлмаса, бошқа дискриминация чоралари орқали ажратиб қўйиш. Сегрегация — дискриминациянинг алоҳида кўринишидир. Тарихда қонунлаштирилган Сегрегация ҳоллари бўлган. Чунончи, Сегрегация АҚШ жанубида 19-а. 2-ярмининг бошида негрлар озод қилингандан сўнг 20-а. да ҳам узоқ вақт сақланиб турди. ЖАРда 20-а. нинг 90й.
лари бошигача Сегрегациянинг энг ёмон шакли — апартеид мавжуд эди. Ирқий камситишнинг ҳар қандай шаклини тугатиш тўғрисидаги 1965 й. ги халқаро конвенцияга мувофиқ, унда иштирокчи давлатлар ирқий Сегрегация ва апартеидни қоралаш б-н бирга ўз худудларида бундай тусдаги ҳар қандай ҳаракатга йўл қўймаслик, тақиқлаш ва йўқотиш мажбуриятини олдилар.