СЕНТ

СЕНТ Дьёрдьи (Szent Gyorgyi) Альберт (1893.16.9, Будапешт — 1986) америкалик биокимёгар (миллати венгер), тиббиёт (1917 й. дан) ва фалсафа д-ри (1927 й. дан). АҚШ миллий ФА (1956 й. дан) ва Америка фан ва санъат академияси аъзоси (1957 й. дан). Будапешт ун-тини тугатган. 1922—26 й. ларда Нидерландияда, кейинчалик Буюк Британияда (Кембриж ун-тида) ишлаган. 1930 й. Венгрияга кайтган; Сегед (1931—45) ва Будапешт ун-ти (1945 — 47) проф. 1947 й. дан АҚШ денгизбиол. лаб. ва мускулларни ўрганиш ин-ти ходими. Илмий фаолияти биологик оксидланиш жараёни, тўқималарнинг нафас олиши, мускул таркибидаги оқсиллар (актин ва миозин) ни ўрганишга оид. Мускуллар қисқаришининг молекуляр механизмига оид назариялар муаллифи. Нобель мукофоти лауреати (1937).

Loading...